[Index]
Preces matutinæ
Preces per diem persolvendæ
• Angelus
• Visitatio Sanctissimi Sacramenti
• Cartela Lectionis Spiritualis
Preces vespertinæ
[Index]
Súscipe, Dómine, univérsam meam libertátem. Áccipe memóriam, intelléctum atque voluntátem omnem. Quidquid hábeo vel possídeo, mihi largítus est: id tibi totum restítuo, ac tuæ prorsus voluntáti trado gubernándum. Amórem tui solum cum grátia tua mihi dones, et dives sum satis, nec áliud quidquam ultra posco.
[Index]
Ángele Dei, qui custos es mei, me tibi commíssum pietáte supérna illúmina, custódi, rege et gubérna. Amen.
[Index]
Ante mensam
V/. Bénedic, Dómine, nos, et hæc tua dona, quæ de tua largitáte sumus sumptúri. Per Christum Dóminum nostrum.
R/. Amen.
Ante prandium:
V/. Mensæ cæléstis partícipes fáciat nos Rex ætérnæ glóriæ.
R/. Amen.
Ante cenam:
V/. Ad cœnam vitæ ætérnæ perdúcat nos Rex ætérnæ glóriæ.
R/. Amen.
[Cuando bendice un sacerdote-->]
Post mensam
V/. Ágimus tibi grátias, omnípotens Deus, pro univérsis benefíciis tuis: Qui vivis et regnas in sæcula sæculórum.
R/. Amen.
V/. Deus det nobis suam pacem.
R/. Et vitam ætérnam.
V/. Amen.
[Index]
Visitatio Sanctissimi Sacramenti
V/. Adorémus in ætérnum Sanctíssimum Sacramentum.
R/. Adorémus in ætérnum Sanctíssimum Sacramentum.
Pater noster... Ave Maria... Gloria... (tres veces).
Communio spiritual
Yo quisiera, Señor, recibiros con aquella pureza, humildad y devoción con que os recibió vuestra santísima Madre; con el espíritu y fervor de los santos.
[Index]
Actiónes nostras, quæsumus, Dómine, aspirándo præveni et adiuvándo proséquere: ut cuncta nostra orátio et operátio a te semper incípiat, et per te cœpta finiátur. Per Christum Dóminum nostrum. Amen.
[Index]
Oratio S. Thomæ Aquinatis ante studium
Creátor ineffábilis, qui de thesáuris sapiéntiæ tuæ tres Angelórum hierarchías designásti et eas super cælum empýreum miro órdine collocásti atque univérsi partes elegantíssime distribuísti: tu, inquam, qui verus fons lúminis et sapiéntiæ díceris ac superéminens princípium, infúndere dignéris super intelléctus mei ténebras tuæ rádium claritátis, dúplices, in quibus natus sum, a me rémovens ténebras, peccátum scílicet et ignorántiam. Tu, qui linguas infántium facis disértas, linguam meam erúdias atque in lábiis meis grátiam tuæ benedictiónis infúndas. Da mihi intellegéndi acúmen, retinéndi capacitátem, addiscéndi modum et facilitátem, interpretándi subtilitátem, loquéndi grátiam copiósam. Ingréssum ínstruas, progréssum dírigas, egréssum cómpleas. Tu, qui es verus Deus et homo: Qui vivis et regnas in sæcula sæculórum. Amen.
[Index]
Omnípotens ætérne Deus, qui nos secúndum imáginem Tuam plasmásti, et ómnia bona, vera, pulchra, præsértim in divína persóna Unigéniti Fílii Tui Dómini nostri Iesu Christi, quærere iussísti, præsta quæsumus ut, per intercessiónem Sancti Isidóri, Epíscopi et Doctóris, in peregrinatiónibus per interréte factis et manus oculósque ad quæ Tibi sunt plácita intendámus et omnes quos convénimus cum caritáte ac patiéntia accipiámus. Per Christum Dóminum nostrum.
[Index]
Exáudi nos, Dómine sancte, Pater omnípotens, ætérne Deus: et míttere dignéris sanctum Ángelum tuum de cælis, qui custódiat, fóveat, prótegat, vísitet atque deféndat omnes habitántes in hoc habitáculo. Per Christum Dóminum nostrum. Amen.
[Index]
Beáta María intercedénte bene ambulémus (ámbulem), Dóminus sit in itínere nostro (meo) et Ángeli eius comiténtur nobíscum (et Ángelus eius comitétur mecum). In nómine Patris et Fílii et † Spíritus Sancti. Amen.
[Si la Bendición la da un sacerdote-->]
[Index]
Al comenzar, todos de rodillas, el que dirige reza:
Veni, Sancte Spíritus, reple tuórum corda fidélium: et tui amóris in eis ignem accénde.
V/. Emítte Spíritum tuum, et creabúntur.
R/. Et renovábis fáciem terræ.
Oremus: Deus, qui corda fidélium Sancti Spíritus illustratióne docuísti; da nobis in eódem Spíritu recta sápere; et de eius semper consolatióne gaudére. Per Christum Dóminum nostrum.
R/. Amen.
Al terminar, todos de rodillas, el que dirige reza:
V/. Ágimus tibi grátias, omnípotens Deus, pro univérsis benefíciis tuis: Qui vivis et regnas en sæcula sæculórum.
R/. Amen.
V/. Deus det nobis suam pacem.
R/. Et vitam ætérnam.
V/. Amen.
[Index]
Deus meus, ex toto corde pænitet me ómnium meórum peccatórum, éaque detéstor, quia peccándo, non solum pœnas a te iuste statútas proméritus sum, sed præsértim quia offéndi te, summum bonum, ac dignum qui super ómnia diligáris. Ídeo fírmiter propóno, adiuvánte grátia tua, de cétero me non peccatúrum peccandíque occasiónes próximas fugitúrum. Amen.
[Index]
Vísita, quæsumus, Dómine, habitatiónem istam, et omnes insídias inimíci ab ea longe repélle: Ángeli tui sancti hábitent in ea, qui nos in pace custódiant, et benedíctio tua sit super nos semper. Per Christum Dóminum nostrum. Amen.
[Index]
Iesu, María, Ioseph, vobis cor et ánimam meam dono.
Iesu, María, Ioseph, adstáte mihi in extrémo agóne.
Iesu, María, Ioseph, in pace vobíscum dórmiam et requiéscam.
[Index]
Nóctem quiétam et finem perféctum concédat nobis Dóminus omnípotens. Amen.
[Index]